rekin áfram af þrá
leita ég til þín
veit ekki hvað ég vil finna
en samt svo viss
flý frá tómleikanum
full tilhlökkunar
hláturinn togar í mig
tárin líka
fálmandi í myrkrinu
allt þó svo bjart
brennandi, ólgandi, æpandi
tilfinningar
óvissan er alls staðar
en örugg samt
langar að vita
þarf að fá svör
ef hamingjan er fólgin í ástinni
er ég þá ekki elskuð?
blik í augum, bros
allt sagt án orða
vonuðum bæði
vissum hvert stefndi
funheit snerting
framandi straumar
fangelsuð hjörtu
en samt svo frjáls
ef lífið er gáta sem þarf að leysa
er þá bannað að giska?
gs
